木槇料理 (已結業)

今日經過灣仔又想食日本野，睇咗好耐終於決定去皇后大道東嘅食肆大廈，果然不錯環境很整潔，餐廳內的右手邊有排屏風很有日本風味，服務都很好，成日會同你換碟，不過又好似密左少少。首先嚟左碟雞泡魚乾，同之前食開果種好唔同，有燒焦香味但一啲都唔硬，師父手勢有一定高嘅水準！入口香甜，下次唔助酒都要叫黎食！仲有個雜錦天婦羅份量十足，有蝦，冬菇，茄子，南瓜，蕃薯！梳菜用料新鮮甜美，四隻天蝦暫時係我食過嘅最好，炸完仲好有蝦味，已經好耐無試過！最後嚟個滑蛋黑豚肉飯，呢個真係有啲失色，蛋太濕另到成塊吉列漿溶晒，飯又濕晒！夾起已經無乜食慾，塊豚扒都唔特别有肉味！