祥興記上海生煎包 (譚臣道)

營業中

休息中

一向都麻麻哋食飯但好鍾意食餃子、鍋貼同生煎包，最近留意到灣仔有新開嘅生煎包專門店就一於去試試！店舖位於譚臣道，近灣仔地鐵站A3出口。店舖不大，無坐位只有大概12-15個企位，大部分食客都係買外賣或者quick lunch就走。因為早餐食多左所以lunch唔係太肚餓，叫左個雙色生煎B餐加豆漿，有生煎包同黑松露生煎包各2隻（平時如果肚餓應該要叫2份先夠飽😂）計返條數其實生煎包要$7隻，黑松露生煎包要$15隻，價錢稍微高。味道方面都幾好食，本人覺得個皮可以薄啲，個包夠晒juicy，一咬開啲湯爆出黎。生煎包夠晒新鮮，係即包即煎嘅，見到用晒啲材料店員會係凍櫃入面再攞料再包。店舖雖然唔大但都有5-6個員工負責包、煎生煎包、煮麵等，有一位負責收錢，務必要quick service😂👍🏻店員都好nice。