堅信號上海生煎皇 (軒尼詩道)

營業中

休息中

新開張門面企理，加上大大個餐牌貼門口，本來想買外賣返公司又唔知食乜，見到即刻過去睇下。買咗個擔擔麵餐，有個小食加杯熱綠茶，外賣$62，比錢時見佢啲座位都唔會好迫。買完先知用App order 單點餐牌食物有85 折… 佢有個窗口專攞外賣，好在收銀員見我傻下儍下企喺門口等，提我過去窗口攞，都唔算等得耐。個擔擔麵質地比較濕爽，而且分湯放，唔會淋晒，個醬都幾多肉碎。小食揀咗紅油韭菜餃（兩件），辣香加韭菜，好味！可以外賣預點，下次要試吓生煎包！