御の味 (已結業)

此店為黃店必到之地，集創意 美味 環境 於一身。黎到灣仔，玩地鐵站，好快其實已經搵到，唔洗行好遠，好方便。因為已經book好哂，上到去店員好快就安排左好座位，仲有得座卡位，非常舒適。店內環境非常好，好有格調，樓底亦好高，令人自然有種講野又唔會想太大聲既感覺。店員全程都會照顧我地需要，同我地講解每道菜式，亦會同客人傾下計，相當親切。店員有提到，店內不定時會有黃店活動，會同客人互動，大家只要叫支持香港既口號就會有禮物或食物，可惜我地book太夜，玩唔到。我地叫左二人之套餐 $880 for 兩人先上沙律 菜新鮮，好開胃。四款刺身我個人最愛食金目雕，只有高一線既高線日式食店先食到，好新鮮，加上店內既wasabi係自己磨既，真係一流既享受。海膽碎吞拿魚腩卷海膽好新鮮好靚貨，完全唔會有臭味腥味。銀鱈西京燒銀鱈魚用左燒汁，燒完即上，我個人最愛呢一道菜，美味香口。安格斯肉眼網燒安格斯牛大約3至5成熟，非常岩我口味，加上完全係好淋好易咬，味調得亦岩岩好，少少酸酸甜甜咁。野菌烏冬會緊接肉眼排上菜，可以一邊食牛一邊食烏冬，好細心。燉蛋真材實料，食既時間會有少少雞油香，原來食到底發現店家用左新鮮雞肉。