Reserva Ibérica Tapas Bar & Restaurant (灣景中心) (已結業)

今日約咗朋友嚟到灣仔呢一間餐廳食飯，餐廳環境佈置非常靚，色彩繽紛chill得來又有格調，打卡起嚟非常型格。都未食，佢呢個Lunch semi buffet ，食法係揀一個主食，一杯茶或咖啡，就可以去buffet bar 拎食物，buffet bar食物可以任食，食物好有水準，仲有多款選擇絕對係好味之選。主菜一流，我哋叫咗一個蟹肉意大利麵配魚子醬和香煎伊比利亞豬胛肉share呢食！🦀️原隻蟹上碟嘅意大利粉，加上魚子醬真係極度奢華，意粉醬汁用上香濃又滑嘅奶油醬，同蟹肉蟹膏非常夾，食落去有濃郁嘅奶油味，又有蟹嘅鮮甜味！🐷呢個香煎伊比利亞豬胛肉又係非常豐富，大塊厚切豬扒，配上炸薯餅🥔和青豆條🫛有肉又有菜，豬胛肉煎到外面焦香，肉汁包晒喺豬肉入邊，食落去甘香又鬆化。用火腿捲着青豆條一齊食，豐富又好味。