千樂燒味餐室 (已結業)

星期日去開灣仔買野，天氣又焗又熱，咁啱又行到肚餓，周圍望下有咩食啦。經過見到有間燒味餐廳之前未見過嘅，估應該係新開，又熱又餓就入去抖下兼醫下肚啦。揀咗燒腩仔飯，鹹香的肉又唔算過肥，食晒都唔會太膩。燒肉皮夠脆，香口鬆化，合格有餘，相信係招牌燒味之一。白飯口感不錯，一粒粒，不會太腍亦不會過硬，沒黏做一團。加上一碟蔥油，成碟飯食晒。燒腩仔飯近$50一碟，以在港島旺區計，價位算係好相宜。地方環境又唔錯，好乾淨。下次有機會路過，會再試下其他燒味，隔離枱食叉鵝飯好似都不錯。