影片
更多
2022-05-05
77 瀏覽
自從晚市堂食開放番，終於可以呼朋喚友坐低食飯，近近地就去返我地嘅私竇打個邊爐先！三鍋無乜好豪華嘅裝潢，但就勁有番屋企打邊爐嘅感覺，空間感十足坐得舒適。店內擺放左唔同嘅酒類同埋當日嘅時令海鮮，侍應姐姐都十分友善，好快擺低左自助調味架，順便推薦下邊啲抵食嘅食材。👍🏻古法沙嗲拼芫茜皮蛋鍋 $98心多嘅我地揀左個鴛鴦湯底🥘 一個淡味加一個濃味。沙嗲鍋有好多冬瓜片，吸晒啲沙嗲醬同花生嘅香氣，煮到腍晒又入味。芫茜皮蛋就清清地，有啲甜菜甫令到個湯底更清甜。手切頂級霜降雪花肥牛（小）$258🥩 霜降雪花肥牛果然名不虛傳，油花嘅分佈十分平均，睇落已經好吸引。沙嗲配牛肉是常識吧！淥大約30秒，微辣嘅沙嗲已經入晒味，牛肉一啲都唔會過煙韌，靚牛真係打邊爐不可或缺嘅一部分。手工四寶丸 $98一碟有晒墨魚丸、豚肉丸、鯪魚丸、蝦丸四款，全部都唔會有腥味，咬落彈牙，無坊間食到食口粉嘅感覺。手工鮮蝦水餃拼手工家鄉韮菜餃 $78肥嘟嘟好飽滿既水餃🥟 侍應姐姐話係啱啱新鮮包起，一食落果然唔係雪藏貨色，蝦肉彈牙，仲有啲竹筍雲耳絲，大大粒好滿足！韮菜餃都一樣咁大粒，菜切得夠細碎，係細心嘅。油麥菜 $38食左咁多油膩野，都要食番
三鍋無乜好豪華嘅裝潢，但就勁有番屋企打邊爐嘅感覺，空間感十足坐得舒適。店內擺放左唔同嘅酒類同埋當日嘅時令海鮮，侍應姐姐都十分友善，好快擺低左自助調味架，順便推薦下邊啲抵食嘅食材。👍🏻
古法沙嗲拼芫茜皮蛋鍋 $98
心多嘅我地揀左個鴛鴦湯底🥘 一個淡味加一個濃味。沙嗲鍋有好多冬瓜片，吸晒啲沙嗲醬同花生嘅香氣，煮到腍晒又入味。芫茜皮蛋就清清地，有啲甜菜甫令到個湯底更清甜。
手切頂級霜降雪花肥牛（小）$258
🥩 霜降雪花肥牛果然名不虛傳，油花嘅分佈十分平均，睇落已經好吸引。沙嗲配牛肉是常識吧！淥大約30秒，微辣嘅沙嗲已經入晒味，牛肉一啲都唔會過煙韌，靚牛真係打邊爐不可或缺嘅一部分。
手工四寶丸 $98
一碟有晒墨魚丸、豚肉丸、鯪魚丸、蝦丸四款，全部都唔會有腥味，咬落彈牙，無坊間食到食口粉嘅感覺。
手工鮮蝦水餃拼手工家鄉韮菜餃 $78
肥嘟嘟好飽滿既水餃🥟 侍應姐姐話係啱啱新鮮包起，一食落果然唔係雪藏貨色，蝦肉彈牙，仲有啲竹筍雲耳絲，大大粒好滿足！韮菜餃都一樣咁大粒，菜切得夠細碎，係細心嘅。
油麥菜 $38
食左咁多油膩野，都要食番條菜，個鍋咁多精華所在，叫個油麥菜索下啲湯汁，又甜又爽。
明明食到飽晒，已經諗定下次再約邊個朋友，book埋間海景vip房再黎私房邊爐一下。✨
張貼
