豪華咖啡茶廳

營業中

休息中

一直都鍾情於舊式香港冰室，嗰種屬於上一個時代香港人嘅年月感，係幾多廣告同marketing 都取代唔到。從一家人到冰室食早餐到兩口子落嚟飲杯甜蜜紅豆冰，又或者三點三約埋同事蛇王飲𠻪茶食件撻，太多太多嘅港人專屬回憶，都係嚟自呢D“一成不變”嘅冰室/茶記。有時候我會諗，伴隨經濟高速發展而消失嘅，除咗係買少見少嘅冰室，更有可能係存放住幾代人嘅回憶產地。而講番呢間有六十幾年歷史嘅豪華咖啡茶廳，從門面裝修就可以見到佢嘅年代感，每次嚟到都會俾人一種放慢節奏嘅錯覺。而佢嘅嘢食都一樣咁傳統同出色，我今次就食咗蛋牛治同凍奶茶，大熱天時最啱就緊係坐喺有冷氣嘅冰室，嘆番杯凍奶茶啦~