Flagship

營業中

休息中

呢間位於灣仔船街, 係喜帖街後面。行到最尾位就會見到一間幾有懷舊氣息既餐廳。牛骨髓Bone Marrow $218都幾特別, 有好香既牛味, 面頭舖左好多炒香左既洋蔥, 更加惹味。跟碟仲有焗熟左既蒜,將熟蒜均勻咁查係多士到, 再加洋蔥同牛骨髓食, 口感會好豐富。避風塘豬排 Typhoon Style Pork Collar $348份量足夠大，豬扒被蒜茸包圍住再拎去炸，所有蒜味好香，豬扒有得揀熟成度，可以按自己喜好落。我就揀左7成熟，呢個熟度既豬扒剛剛好，肉質唔會太硬，仲保留到肉汁，呢間整得唔錯。大閘蟹糕燴飯 Hairy Crab Risotto $368佢地用左煲仔上,一打開好香既蟹味，食落既飯質唔會太淋，軟硬適中。同埋真係好多真蟹肉，令成個飯更香口。環境較為復古，仲有上層位置，位置間都有足夠既間，同朋友傾計都係個唔錯既地方。