Have A Date (已搬遷) 新店位置

係金鐘工作要搵平既下午茶好難，搵又平又抵食既更難! 所以經常要走到灣仔食飯/下午茶平均返飯錢。今日行到謝斐道，好多茶記既一條街，考慮左一陣入左呢間個樣冇咁茶記feel既餐廳，因為係門口見到餐牌都幾多種類選擇。小小既店舖，環境有d迫，睇左陣揀到喇!揀左蜜糖雞翼西炒飯，熱檸茶蜜糖雞翼有兩隻，炒飯份量適中，味道唔錯，最重要係呢區黎講，依個價錢有咁既質數好好架喇!