一虎

營業中

休息中

好一段時間無食一虎，上次想食但係收左舖，今次終於食到。佢有三個配料比大家落，中間個辣芽菜加入拉麵係超好食！男朋友叫左拉麵，佢個湯都好香，同埋份量都幾多。有三塊叉燒，雖然係薄切，不過幾好味，好似入口即溶咁。我就嗌左我最鐘意食嘅叉燒飯，我會將蛋黃液撈混啲飯。啲飯應該係珍珠米，佢有好多叉燒，全部都係切粒，好好食。每一啖飯都可以有一粒叉燒一齊食，好正。我地仲嗌左煎餃子，賣相普通，不過一咬好多汁流出嚟，餡料唔會太多肉，都幾好味。整體而言，一虎我都好推介，不過我最推介嘅係個叉燒飯，絕對值得一試。