品粵居

營業中

休息中

中菜館位於銅鑼灣同灣仔交界，靜中帶旺，樓上舖環境闊落舒適，有私房菜既感覺。椒鹽魷魚鬚 $78入口香脆而不油膩，魷魚鬚爽彈不韌椒鹽金磚滑豆腐 $58外層係椒鹽味脆脆，內裏係嫩滑既豆腐，外脆內軟，一口一啖，食唔停口！秘製鮮魚湯雜菌手打魚腐 $138魚湯鮮甜香濃，魚腐口感軟淋，配上雜菌同白菜苗，吸收晒魚湯既鮮味，好味。鎮江排骨 $138味道酸酸甜甜，排骨外脆內裏肉質肥厚軟腍，令人食極都不覺膩，好開胃。手打馬蹄煎蓮藕肉餅 $148半肥瘦肉餅煎得金黃可口，加入馬蹄同蓮藕，口感變得爽脆亦都無咁膩優惠龍鳳孖寶上湯海蝦伊麵 配 瑤池貴妃雞(半隻）$298晚市有優惠套餐，價錢都幾經濟實惠，海蝦伊麵有6隻大蝦，肉質爽口彈牙，伊麵無用一般既芝士煮，用左清湯、薑同蔥，反而更加清甜鮮味。貴妃雞剛剛熟帶點紅，肉質嫩，唔會好肥，配埋秘製薑蓉更滋味。