家賀屋刺身寿司專門店

同事介紹，灣仔有間樓上日本料理好受歡迎，平時好多人幫襯，今日放工就去試吓。室內裝修好有日式風格，一進內我就望到我最喜愛的神奈川沖浪掛畫，日本感覺返晒嚟。首先啤啤佢先，叫咗兩杯麒麟一番一番榨青蘋果🍏一番榨蜜桃🍑加咗水果味，女士們都比較易入口，好大杯，涼透心。炸三文魚皮魚皮好新鮮還戀戀地，炸起脆卜卜，送酒一流。魚肝沙律有兩大塊魚肝，好重油香，托底有青瓜，切得好細緻，氹氹圈的。特選刺身盛店舖用左時令鮮魚，賣相好吸引，刺身非常新鮮，有三文魚、吞拿魚、大蝦等等，塊塊都好厚身，食落好鮮味。家賀壽司推介之選，有海膽，生蝦同拖羅，呢個組合點會唔好食。彩虹壽司卷色彩豐富，令人食慾大增，由由多種不同的刺身聚集組成彩虹顏色，新鮮美味。鹽燒吞拿魚鮫第一次食呢個菜式，分量十足，吞拿魚魚味濃郁，肉質爽滑彈牙，經鹽燒過帶出魚的鮮味。冷稻庭手打烏冬幼身烏冬那種，好爽口，感覺好清新。