新泰東南亞餐廳 (已結業)

灣仔都有正泰菜，我以為好味既泰菜應該係九龍城，朋友推薦尼間新泰東南亞餐廳，一開門已經眼前一亮。門口裝修充滿泰式風情，坐左東南亞氣息的帳篷卡位，木雕既座位入面有一盞小燈，輕紗既帳幕飄飄下，以為去左峇里！！！去泰國餐廳，當然要食泰式明爐魚，泰菜其中一道靈魂菜式，尤其係冬天，暖暖嘅魚加埋酸酸嘅汁，令人胃口大增！泰式明爐魚原條魚上,大大條又新鮮又啖啖肉，肉質幼嫩而且入味，味道層次豐富。煮得好有泰式風味，加入香茅、辣椒、芫荽及青檸煮成酸辣魚湯，濃郁又惹味，再配合配菜有豬肉碎和菇,回味無窮！和朋友吃飯，主菜固然重要。但吃到尾聲的時候，甜品更重要，叫了泰式甜品小拼盤，可以一次過滿足所有人嘅願望。糕點食落有椰香，蓋上暖笠笠嘅椰漿,為晚餐畫上一個完美的句號。