新嚐泰泰國餐廳

營業中

休息中

灣仔新嚐泰泰國餐廳環境幾開揚，牆上既泰畫，燈飾都好有風情！menu餐牌都好多款式又價錢都大眾化。蒜蓉包夠香脆，金黃焦香整得幾脆身，一份4片都不錯。醃鳳爪沙律，色彩繽紛紅紅綠綠！大量配料非清爽，無骨鳳爪整得入味，醬汁酸酸辣辣非常開胃！份量大大碟好足料。粉絲大頭蝦煲，2大隻巨型大頭蝦非常吸睛，蝦頭夠多膏帶橙紅色，膏香幾濃！蝦肉厚身可以分邊，肉質緊緻，粉絲底好香夠乾身，香葱蒜爆得夠香！2隻巨蝦真係好正又夠入味。醉酒佬炒豬肉碎肥粉，賣相靚條夠多，肥粉質感好得意，呈jelly q彈質感！炒得夠香又惹味！豬肉片亦整得幾juicy唔乾身！味道偏辣夠濃味。