新泰東南亞餐廳 (興旺閣)

營業中

休息中

燒豬頸肉🥓成塊豬頸肉燒得幾靚，有適量嘅焦脆燶邊，但係又唔會燒得太過火，豬肉都仲係好有肉汁，配埋個泰式辣汁好好食～南瓜焗咖哩海鮮🫑海鮮有青口、蝦、魚柳、魷魚，份量OK，咖哩唔算太辣，比較容易入口，既然係原個南瓜咁上，當然就要刮埋入面嘅南瓜肉嚟食，就咁用匙羹就可以輕易刮到出嚟，而且南瓜肉嘅甜味令到個咖哩食落再清新一啲，發揮到南瓜嘅優點👍越式蟹肉炒粉絲🥢炒粉絲大大碟，蟹肉嘅份量激多，面又有碟邊又有，真係每一束粉絲都夾到蟹肉一齊食，除咗蟹肉配料仲有扎肉、洋蔥、芽菜仔、青椒等，整體嘅口感好豐富，今晚嘅依幾樣野食都相當唔錯😋