港灣茶餐廳

營業中

休息中

Item: 港灣茶餐廳
Rating: 2
Author: 奧志雷

Harbour Kitchen

111 食評

味道

環境

服務

衛生

抵食

1272

灣仔

$50以下

港式茶餐廳/冰室咪嘥嘢食店少鹽少糖食店

資訊:
餐廳:	港灣茶餐廳

為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。

詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign

資訊:
餐廳:	港灣茶餐廳

為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html

奧志雷

等級4

2.1K

太陽雙蛋沙嗲牛肉出前一丁，明明幾個月前係無出前一丁架喎，依家開始有得供應？但有鬼用咩，一早煮定腍劈劈又發脹，有 order 就放湯出貨，溶到唔洗趙又無晒麵味，已經食唔出係咪出前一丁啦﹗依個早餐外賣等左我十五分鐘，攞到去會場坐低食，太陽蛋焗左 5 分鐘暖暖地滑溜溜，蛋黃甘香滿意。沙嗲牛肉今日合格喎，唔乾唔鞋，汁無杰撻撻無過咸，合格。

太陽雙蛋沙嗲牛肉出前一丁，麵條腍到發脹變糊仔，堂食都腍劈劈，外賣攞走就更嚴重啦。遇過細心既茶餐廳，外賣即食麵會煮生一點，預左最少要浸 5 分鐘先食。奇怪地，沙嗲牛肉及太陽蛋外賣好食過堂食喎，可能有足夠時間焗熱掛。牛肉味道及質地都非常滿意，不鞋不乾，汁都唔會漿到一舊舊。太陽蛋暖暖的，夠香夠滑，食味！

五香肉丁出前一丁跟太陽蛋火腿走包，放左係枱度好耐，侍應姐姐都唔得閒包比我囉，就算堂食既麵都勁腍，依家仲再浸耐啲，您估浸到發脹飽肚啲咩！我叫走包又無走包，叫辣椒油又無辣椒油比我，搞到要我叫另一個侍應哥哥比囉。我都知個侍應姐姐一個人做唔切，但都要留心落單架麻 ﹗

五香肉丁出前一丁跟太陽蛋火腿走包，黑媽媽既五香肉丁，咩牌子黎架？五香味極淡而勁油淋淋。麵條依舊十年如一日浸到腍鬼晒，食左多年都 keep 得非常好囉，毫毛進步，已經腍到分唔出係咪出前一丁喇 ﹗麵底一早煮定，越放越腍越粉，有 order 就倒湯，放係水吧等攞出去外賣區，係外賣區再等包裝先交到我手上，原本都唔熱只係微暖，放咁耐先比我都凍晒啦。

成碗麵又油又難食，唯有撈辣椒油倒落肚，放空腦袋。太陽蛋又爛左，好明顯發脾氣掉落個盒度，腦漿爆破，體無完膚！火腿凍冰冰，一早煎定掉埋一邊，出貨又唔翻熱，掉落個外埋盒度墊底，諗住用太陽蛋既熱力令火腿變暖？最敝連太陽蛋都係凍架呢。

得一個侍應姐姐係度做外賣點做得切呀，又要收銀、打單、出貨、包裝、夾麵包，咁既環境唯有盡做啦。請唔到人？大量內地人塞到水洩不通，搞到場面混亂！唔知仲依為係深圳做 show，如果唔係趕時間，我坐低慢慢嘆啦。堆晒係度仲咩呀！買完就行埋一邊等啦，我早您地 5、6 個號碼份早餐都未到呀！