灘五郷

位於灣仔船街嘅型格居酒屋——灘五郷店命源自神戶市東灘區嘅地方，室內設計主要以木材及石材為基礎，搭配日本稻草結繩，門面掛滿燈籠，亦設有半露天開放式用餐區，好chill😆 佢哋嘅午市定食有刺身、魚生丼、串燒、鰻魚、各款肉類、拉麵烏冬等多達16款，定食更包括前菜、漬物、茶碗蒸、麵豉湯，相當豐富😍～.灘五郷季節刺身丼定食 $268: 刺身相當新鮮，有赤身、赤蝦、海膽、碎蔥吞拿魚、魷魚、魚籽等，海膽好鮮甜，入口即溶，碎蔥吞拿魚口感軟綿，丼飯加上飯素，味道豐富；而呢個茶碗蒸有驚喜，加入咗蟹肉絲同蟹籽，令味道更昇華～