楊記麵家 (已結業)

太座有約，今晚自己攪掂餐飯。醒起要去灣仔買D嘢，順便去食飯，點知就"一食不可收拾"...見到金鳳，就想外賣杯凍茶邊行邊飲；跟住就想過對面新景園食咖喱豬扒；又想過隔籬鹵八買鹵水鵝片...喂，淨係行過春園街之bor，已經想食咁多嘢 ?一笑....^_^行番出大路，見到呢間新麵店，好似薄有名氣，自己亦極愛吃乾撈，欣然幫襯...麵種類不多，一張紙寫晒。見大部份都係撈麵，極之happy...叫個蝦子牛肉撈。份量袖珍，賣二十二大洋，不可謂不貴...反正之後仲諗住食嘢，大件頭反而不妙呢...先嚟上湯。奇怪，顏色深深哋，嗅到有淡淡蝦殼味，跟出面嘅出品好唔同。呷一啖，師傅不多，仲好有家常湯feel添，奇怪....真係淨飲都ok wor...嗅一嗅，斷定係落咗D豬油，加分...咬一口麵，彈牙，但有少許鹼味未清，失色...牛肉完全喇到無晒味，唔使食....蝦籽份量足之餘，鹹香味夠，挽回不少面子....總括而言，都叫食得過嘅...下次淨係叫碗湯，唔知得唔得呢再上征途...