陸金記瓜子大王 (已搬遷) 新店位置

成日想去荃灣陸金記買人o地話好出名o既瓜子，始終冇時間。今日同男朋友食o左飯行返屋企o既時候，見到莊士敦道開o左一間!!哇我有冇睇錯呀即刻行入去啦~~~~~間舖好簡陋，只係周圍有o的架，瓜子同口果都係好雜亂咁放o係架上，有得試食；我要搵人o黎幫我搵一包半斤o既醬油瓜子，都要搵一段時間。店員姐姐解釋係因為佢o地只係第二日試業所以要慢慢再執。我要o左半斤醬油黑瓜返到屋企拆開先知道原來包得好細心，紙袋入面又有膠袋。經典味道已經不容置疑..本人第一次試，亦都覺得瓜子好易咬開同唔掺口，雖然個人覺得味道較淡，但亦突顯出瓜子味濃!!