祥興記上海生煎包 (譚臣道)

營業中

休息中

嚟灣仔食野選擇多，有時唔知食咩好一定諗起食祥興記既生煎包，蔥油麵，唔單止有水準，重要係水準穩定。有招牌、鮮蝦、黑松露三款生煎包，當中我最愛招牌生煎包，生煎包多汁多肉，皮薄香脆，食時要小心燙口，牆上有提示教你點樣食生煎包。蔥油麵亦都唔好放過，一定要食，麵條質地滑口，蔥花唔少夠香。咖哩牛肉粉絲既肉係牛展嚟，牛展夠諗又入味，有幾粒豆卜吸下啲咖哩湯超正；另外餛飩都唔可以睇少，皮好滑，只係菜肉餡既菜太碎。不過要注意呢度係自助立食店，食完要自行清理。另外，如果係繁忙時間，就要諗好先買野，人手唔夠時仲要等下架。