腸粉皇

營業中

休息中

今日同朋友小聚，佢講起大學時代成日黎開腸粉皇食腸粉，不過至出黎做野後，就一直冇再黎食。佢見我黎開呢頭就帶我黎食等我品評下😂呢度除左街坊會幫襯之外，仲有外國人黎食，估唔到外國人都會欣賞呢度腸粉😶店鋪阿姐同我講黎腸粉皇梗係要食腸粉啦，同時阿姐好客熱情，邊整腸粉邊同我地傾計。除左辣醬我咩醬都要，阿姐幫我地加完醬後好好笑容咁同我地講自己鐘意食咩醬自己隨便加，亳不吝嗇。不過我覺得啲醬份量岩岩好，唔需要再加。腸粉熱辣辣，非常軟滑且薄，加上炒香既芝麻，甜醬唔會澀帶少甜，麻醬亦花生味香濃，恰到好處，係灣仔10蚊有咁多腸粉，真係抵食。