影片
更多
2022-11-28
660 瀏覽
📌 Flagship - 灣仔船街35號地舖🗓(28/11) 星期一 ⏰ 晚上7點左右 💈特式：呢間餐廳可以講係隱身於旺區，最特別就係佢會將一些中式嘅烹調手法fusion到西式菜式入面，帶比人意想不到嘅驚喜。有d菜式食完或者睇到個名，都會有衝動想返屋企試下煮出嚟，睇下夾唔夾🤣。🥩🍔🌭🌮🥗🥯🥘🍲🍝🍣🥟🍤🍱食物：今日叫左1個前菜同兩個主菜，等我同大家講下中西合璧味道先。麻唔辣四川蜆 - 店員介紹呢個煮蜆係特登調重四川個隻麻香味，但一d都唔辣，我本身都好鐘意食個種麻香味，所以真係好啱我，再要讚嘅係隻隻蜆都好大隻同好新鮮，佢仲要除左四川麻香味外，仲保留左西餐煮蜆最必須嘅牛油香味，呢個煮蜆係我食過咁多間西餐廳最好食嘅一個👍👍，一d都無誇張。特色卡邦尼意粉 - 一般卡邦尼意粉都會加煙肉/莎樂美腸，但佢地就轉用左中式嘅金華火腿同臘肉，真係別有一番風味，口感都唔同左，最令我滿意嘅係佢用扁意粉代替普通圓意粉，咁樣做除左方便掛汁，咬落仲更加煙靭有口感。酸菜魚 - 呢個淨睇擺盤就好明顯係西式嘅煎魚柳，但佢地就用左偏向中式嘅盲曹魚，墊底個汁就完全係酸菜魚味，只係改變左平時酸菜魚個種湯上，轉變為一
🗓(28/11) 星期一 ⏰ 晚上7點左右
💈特式：呢間餐廳可以講係隱身於旺區，最特別就係佢會將一些中式嘅烹調手法fusion到西式菜式入面，帶比人意想不到嘅驚喜。有d菜式食完或者睇到個名，都會有衝動想返屋企試下煮出嚟，睇下夾唔夾🤣。
🥩🍔🌭🌮🥗🥯🥘🍲🍝🍣🥟🍤🍱
食物：今日叫左1個前菜同兩個主菜，等我同大家講下中西合璧味道先。
麻唔辣四川蜆 - 店員介紹呢個煮蜆係特登調重四川個隻麻香味，但一d都唔辣，我本身都好鐘意食個種麻香味，所以真係好啱我，再要讚嘅係隻隻蜆都好大隻同好新鮮，佢仲要除左四川麻香味外，仲保留左西餐煮蜆最必須嘅牛油香味，呢個煮蜆係我食過咁多間西餐廳最好食嘅一個👍👍，一d都無誇張。
特色卡邦尼意粉 - 一般卡邦尼意粉都會加煙肉/莎樂美腸，但佢地就轉用左中式嘅金華火腿同臘肉，真係別有一番風味，口感都唔同左，最令我滿意嘅係佢用扁意粉代替普通圓意粉，咁樣做除左方便掛汁，咬落仲更加煙靭有口感。
酸菜魚 - 呢個淨睇擺盤就好明顯係西式嘅煎魚柳，但佢地就用左偏向中式嘅盲曹魚，墊底個汁就完全係酸菜魚味，只係改變左平時酸菜魚個種湯上，轉變為一個比較杰身嘅汁醬，我就比較鐘意食佢地呢個酸菜魚，因為無用湯浸住個魚，而個盲曹魚佢地有煎封過，所以食到個魚皮係脆口，肉質亦無比湯水浸到淋晒。
🍽環境：首先，餐廳個招牌已經好特別，係中英混合去顯示自己餐廳名，之後室內嘅佈置亦好有歐陸/海洋氣息，牆身掛左帆船油畫，同其他特色擺設，餐廳仲有幾張樓上坐位及室外空間，整體感覺好似帶你離開左香港呢個石屎森林咁。
🤵🏻🤵🏻♀️🤵🏻♂️服務：員工服務態度好好，職員會主動問客人有無咩特別野唔食而去介紹餐牌及唔同特色嘅食物/飲品，由材料/烹調手法/特點都會詳盡解釋。
💰💸價錢：叫左呢3個菜式，埋單大約$700，雖然睇落價錢好似唔平，但得到我呢句「係我食過咁多間西餐廳最好食嘅一個煮蜆」，我自己就覺得值回票價喇。
🐲💬總結：佢除左煮蜆係一絕，另外個兩個主菜都係屬終高水準，我期待下次嚟試埋佢其他菜式，例如：避風塘豬扒/腐乳汁羊架/大閘蟹膏燴飯等等......
推薦指數：❤️❤️❤️❤️❤️
麻唔辣四川蜆
$168
25 瀏覽
0 讚好
0 留言
特色卡邦尼意粉
$238
23 瀏覽
0 讚好
0 留言
酸菜魚
$288
26 瀏覽
0 讚好
0 留言
張貼
