綠摩 (已結業)

餐廳：綠摩地點：灣仔交加里菜式：Pizza餐牌：16款pizza，6款意粉，前菜，小食，湯，沙律，都有多人套餐。真係卡邦尼 9吋 $149帕瑪火腿，蘑菇，煙燻蛋見到廚師先烤加左卡邦尼既餅底，然後加上蘑菇粒同一隻蛋係中間，再烤，最後先放6片火腿。切開之後隻蛋就散開。餅底少少厚，不過都脆。個卡邦尼餅底好香又滑溜，加上蛋汁更惹味，而帕瑪火腿都好厚身，鹹香十足。工程師日常 9吋 $149秘製奇尊雞，烤茄子，紅洋蔥，鯷魚，番茄醬，意大利馬蘇里拉芝士 廚師先將大量橙色同米色mozzarella芝士條放底，然後鋪上五片雞胸肉，再鋪上五片茄子，中間加上紅洋蔥絲，鯷魚碎同更多芝士條。最後就放入焗爐烤。呢個pizza口味好特別，鷄胸肉好嫩口，茄子配鯷魚好夾，味道帶微微辣，都好味道，啖啖都有鷄或者茄子。食落都完全唔會乾。總括而言，呢兩款pizza味道都好味呀，材料豐富。所有Pizza都有兩個size選，呢度連甜pizza都有。所有配料餐牌都有列出，即叫即整。可以係個窗睇住廚師即刻加料整。15分鐘左右就有得攞。9吋pizza一開6，size剛剛好。拎上手熱辣辣，紙盒夠厚身，乾淨衛生。膠袋$1一個，可以自備呀。