鳥華亭

營業中

休息中

中午經過後街，見到有檔拉面店，抱位嘗鮮嘅心態入左去。入到去見到三個店員都係南亞裔嘅姐姐，感覺幾新奇。拉面種類唔多，得四五款。我點左魚介雞白湯拉麵。麵底有兩款可以揀，一款係直身麵 ，另一款係捲曲麵，我要左後者。碗麵上枱嗰刻賣相一般。用筷子撩一撩個底，發覺得三塊雞肉，兩塊藕片，兩條露筍，同埋一啲洋蔥粒。連雞蛋木耳絲都冇，配料有啲少。藕片幾脆，可惜得兩塊，兩啖食完。湯底偏鹹，鹹度同沾麵相近。露筍幼嫰，食落冇渣。雞胸肉好重胡椒味，味道唔錯。麵身有嚼勁，掛湯效果唔錯。埋單89蚊，整體味道唔錯，但依個收費喺灣仔區裡面會有更好嘅選擇。