影片
更多
2023-01-31
202 瀏覽
LOF10 Bistro📍灣仔告士打道38號中國恆大中心地下A號舖朋友喺金鐘返工，有好幾次收早都話想同我去佢公司附近嘅餐廳食個下午茶先返屋企。呢個星期一佢放半日，終於都就到時間，去呢間遠離人群嘅靚cafe嘆下午茶。我哋大概2點左右去到，揀咗放滿酒嘅架旁坐低，後來先發現原來酒架後面有個望街景嘅area，不過見坐低咗廢事麻煩就無調位。因為我無食早餐，而佢早餐只係食咗水果，我哋都好肚餓，所以一口氣揀咗三份早餐，兩杯飲品，最後仲追加多一份吐司同一啲小食。佢特別之處係佢早餐嘅餐牌同下午茶係一樣嘅，除咗有好多選擇之外，價錢亦相對經濟，朋友話雖然餐牌睇落好多選擇都係普通cafe會見嘅嘢食，但由選材、配搭至擺盤都睇得出餐廳嘅用心，所以我哋一致認為值得俾五粒星！今次食唔到好多人推介嘅all day breakfast同egg benedict，留有少少遺憾，但正正因為咁，我哋又有藉口再過嚟呢度食嘢啦！ 💰$58意式燒雞班尼尼配薯餅 🐓🥪🥔有食過panini嘅都知好易中伏，整得唔好食嘅會過乾過柴，用盡牙力先咬得到。呢度嘅panini雖然烤得乾身香脆，但一啲都唔難咬，用刀叉都相對易切！朋友特別欣賞佢哋唔馬虎
📍灣仔告士打道38號中國恆大中心地下A號舖
朋友喺金鐘返工，有好幾次收早都話想同我去佢公司附近嘅餐廳食個下午茶先返屋企。呢個星期一佢放半日，終於都就到時間，去呢間遠離人群嘅靚cafe嘆下午茶。我哋大概2點左右去到，揀咗放滿酒嘅架旁坐低，後來先發現原來酒架後面有個望街景嘅area，不過見坐低咗廢事麻煩就無調位。
因為我無食早餐，而佢早餐只係食咗水果，我哋都好肚餓，所以一口氣揀咗三份早餐，兩杯飲品，最後仲追加多一份吐司同一啲小食。佢特別之處係佢早餐嘅餐牌同下午茶係一樣嘅，除咗有好多選擇之外，價錢亦相對經濟，朋友話雖然餐牌睇落好多選擇都係普通cafe會見嘅嘢食，但由選材、配搭至擺盤都睇得出餐廳嘅用心，所以我哋一致認為值得俾五粒星！
今次食唔到好多人推介嘅all day breakfast同egg benedict，留有少少遺憾，但正正因為咁，我哋又有藉口再過嚟呢度食嘢啦！
[價錢 Price]
💰$58
意式燒雞班尼尼配薯餅 🐓🥪🥔
有食過panini嘅都知好易中伏，整得唔好食嘅會過乾過柴，用盡牙力先咬得到。呢度嘅panini雖然烤得乾身香脆，但一啲都唔難咬，用刀叉都相對易切！朋友特別欣賞佢哋唔馬虎嘅細節，話同其他餐廳隨便將啲食材夾落包入面唔同，無論係芝士、蕃茄定雞肉都完美地融合一齊，唔會有某一種食材搶fo，好好食！加上有薯餅一齊食，非常飽肚！
[價錢 Price]
💰$48
煙三文魚蛋沙律牛角包配薯餅 🐟🥐🥔
呢款牛角包比起一般嘅長同大，用刀一切就聽到佢香脆嘅聲音，仲有好香嘅牛油味，淨係食佢都已經好滿足。佢裏面夾咗蛋沙律同幾片煙三文魚，三者味道夾得好好，既有煙三文魚嘅濃郁，又有蛋沙律嘅清新，我好鍾意！食到一半，我仲將塊薯餅分半夾咗落去，估唔到呢個食法都幾好食喎！
[價錢 Price]
💰$48
雙拼出前一丁公仔麵配牛油吐司 🍜🍞
喺cafe食公仔麵，你試過未？唔好睇少呢碗公仔麵，睇唔睇到佢塊餐肉幾厚，隻蛋煎得幾靚？朋友話公仔麵人人都識煮，但要煮得好食同有心機擺盤，真係唔係個個做到。佢嘅公仔麵唔會過硬或過淋，煮得剛剛好，恰到好處。煎蛋嘅蛋黃係流心嘅，正！個餐仲跟配牛油吐司，真係厚厚一塊烤過嘅吐司麵包，用料一啲都唔馬虎㗎！
[價錢 Price]
💰$42
抹茶紅豆吐司 🍵🫘🍞
三款早餐我都好鍾意，但最得我歡心嘅係呢款單點嘅吐司。佢嘅抹茶醬塗得好靚好平均，吐司唔會烤得過乾過硬，而且紅豆甜度適中，無論係當小食定甜品都好適合。
[價錢 Price]
💰$39
法式燉蛋泡沫咖啡 ☕️
朋友最近好忙同好大壓力，經常捱夜又無咩精神，所以比以前飲多咗咖啡。難得嚟到cafe，佢想揀一杯有特色啲嘅咖啡嘆吓。睇完menu一陣，佢揀咗呢杯crème brûlée macchiato。泡沫上面有一層焦糖，就咁食真係有食crème brûlée嘅感覺，而且macchiato本身嘅苦味比較少，加埋焦糖一齊飲，連我唔太喜歡飲咖啡都覺得好好味！
[價錢 Price]
💰$40
凍鮮奶抹茶 🥛🍵
而我自己就例牌要叫杯matcha latte嚟飲，發現飲得多就會用matcha latte嚟比較邊間cafe嘅水準好啲。呢間茶奶嘅比例大概係3：7，抹茶粉好幼滑，飲落無苦澀味同顆粒感。我欣賞佢唔會過甜，既飲到奶嘅香，又飲到抹茶嘅醇。
[價錢 Price]
💰$8
日本煎蛋 🍳
餐廳選用日本鹿兒島產嘅雞蛋，除咗大隻之外，蛋黃顏色亦較深，食落滿滿蛋香。
[價錢 Price]
💰$10
薯餅 🥔
我哋亦額外加咗一塊薯餅，我將加配嘅煎蛋同薯餅放咗喺半塊吐司上面食，用吐司沾上蛋漿同薯餅一齊食，又一新食法！
喺灣仔食過嘢都知，中午食個飯都要大排長龍，價錢仲要唔經濟，堂食仲要同人迫添，食飯變咗件辛苦事。而嚟到呢度嘅感覺係完全相反，嘢食好食就不在話下，連環境同服務質素都係無得彈，加上唔洗同人迫，我諗唔到唔去幫襯嘅原因！
張貼
