Reserva Ibérica • The Ham Shop • Signature Kitchen (已結業)

上個週未諗住試下啲新野，去開灣仔個頭，就四圍睇下有咩好食啦。搵到依間食西班牙菜既餐廳，之前真係無試過正式既西班牙菜，咁就決定試一下喇。餐廳係依條巷入面。上二樓樓梯口有好靚既裝飾。西班牙菜無咩食過，唔係好識叫，所以叫侍應小姐幫我地點咗幾道菜。先黎兩杯酒，紅紅地個杯果味重啲。先黎前菜，係漬咗既三文魚上面放有魚之醬。味道濃郁，魚之醬令三文魚更加鮮味。之後依個係48個月既黑毛豬5個唔同部位既Pama ham。第一次食，淨係分到唔同部位肥廋有分別，咸得黎香味濃郁，我諗嗰種香味就係大家鍾意pama ham既原因既。上主菜前先黎個芝士沙律。個芝士好鬼正。三文魚扒煎得好香，旁邊仲有薯仔沙律。羊冧扒都係第一次食，估唔到肉質結實，但咬落就鬆軟，唔會好蘇，又無平時食開既羊扒咁肥。最後食埋個甜品就完滿喇。