老爹 (已結業)

來到『老爹』，前菜揀咗『煎法國鵝肝配無花果』，無花果斷貨，轉咗士多啤梨，並不影響食品味道，反而『士多啤梨』的少少果酸，亦好襯鵝肝，而鵝肝煎到外脆内軟甚好味。『鮮茄海鮮意大利飯』，有帶子，魚，蝦，菇菌，帶子大大粒鮮咁，蝦彈牙，魚肉滑。『紐西蘭壹級法式羊扒配薯菜』唔騷，店員提議七成熟真係啱啱好，切開有小小粉紅色，而薯條係自家製，好香脆可口。『金桔檸檬』和『珍珠奶茶』係跟餐，唔會求其，真心好飲，最重要係跟餐唔係淨係咖啡，奶茶，呢樣我超like。