日熹樓 (已結業)

個日去灣仔搵食，見到有間上樓用熊貓做餐廳公仔嘅京川菜，一出電梯裝飾唔似中菜，個酒吧好靚。侍應態度算有禮，都有介紹但好似新嚟咁。叫咗醉鴿 夠酒味，肴肉唔識講都好食，侍應推薦四川龍抄手，味道極好味個汁甜甜、有麻辣味超好食。水煮牛味道夠麻夠辣，正唔正宗我唔知因爲我唔係四川人，咸酸菜配魚有啲似潮州胡椒豬肚湯，侍應話係傳統京川做法，味道好好。最後叫咗佢地極力推薦小籠包湯汁同肉嘅比例好好。生煎包個底煎得脆脆。整體嚟講算中上，價錢算平-三個人食每人兩百幾蚊可以接受，可以安哥。