影片
更多
2022-02-09
583 瀏覽
小編喺港島反工，某日朋友想食燒味，揾到灣仔街市入面有間得過獎大有名堂嘅燒味店🏅，lunch time去到見到好多人等外賣，門口同menu上面寫住藍帶廚神主理👨🏻🍳，店面嘅櫥窗掛滿新鮮出爐各式各樣嘅燒味，傳嚟陣陣香味，未食都流晒口水🤤。室內裝修新淨整潔，有圓枱卡位，以金黃為主色，牆上貼上老香港圖案，以新潮方式演繹城市年代感。1️⃣ 黯然銷魂鴛鴦飯 $68一聽個名就知係勁野，呢個真係餐廳必叫嘅signature👍🏻！並非一般嘅黯然銷魂飯，鴛鴦係指半肥瘦叉燒🐖同冰燒鳳凰雞🐓雙拼，再配兩隻太陽蛋🍳，識食一定㨂呢個！厚切嘅叉燒用上波蘭黑毛豬梅花肉，所以肉味更濃，而且肥瘦適中，咬落軟熟鬆化有肉汁，極高水準💯。燒雞肉質嫩滑，配秘製鳳凰辣汁特別惹味😋。仲有小編最愛嘅蛋呀🥚！雖然唔係流心，但係佢半生熟嘅狀態依然吸引，D蛋漿用嚟撈飯一流！2️⃣ 燒鵝燒腩仔雙拼飯 $58特登叫左個雙拼飯可以試埋其他燒味，果然係大班大準💪🏻！同樣係店內必食之一嘅燒鵝皮脆肉嫩，香濃肉味，好大方地一枱一枝酸梅醬自行添加😚。燒腩仔嘅精華喺塊脆皮度，影完一輪相都仲係脆卜卜🌟，小編最怕嗰D中間一大舊肥膏嘅燒腩仔，但係呢度D瘦位軟腍，肥位又唔
1️⃣ 黯然銷魂鴛鴦飯 $68
一聽個名就知係勁野，呢個真係餐廳必叫嘅signature👍🏻！並非一般嘅黯然銷魂飯，鴛鴦係指半肥瘦叉燒🐖同冰燒鳳凰雞🐓雙拼，再配兩隻太陽蛋🍳，識食一定㨂呢個！厚切嘅叉燒用上波蘭黑毛豬梅花肉，所以肉味更濃，而且肥瘦適中，咬落軟熟鬆化有肉汁，極高水準💯。燒雞肉質嫩滑，配秘製鳳凰辣汁特別惹味😋。仲有小編最愛嘅蛋呀🥚！雖然唔係流心，但係佢半生熟嘅狀態依然吸引，D蛋漿用嚟撈飯一流！
黯然銷魂鴛鴦飯
$68
359 瀏覽
1 讚好
0 留言
黯然銷魂鴛鴦飯
$68
52 瀏覽
0 讚好
0 留言
2️⃣ 燒鵝燒腩仔雙拼飯 $58
特登叫左個雙拼飯可以試埋其他燒味，果然係大班大準💪🏻！同樣係店內必食之一嘅燒鵝皮脆肉嫩，香濃肉味，好大方地一枱一枝酸梅醬自行添加😚。燒腩仔嘅精華喺塊脆皮度，影完一輪相都仲係脆卜卜🌟，小編最怕嗰D中間一大舊肥膏嘅燒腩仔，但係呢度D瘦位軟腍，肥位又唔會爆晒油咁，入味得嚟唔會太鹹，高水準之作👏🏻。
燒鵝燒腩仔雙拼飯
$58
20 瀏覽
0 讚好
0 留言
3️⃣ 鵝油菜芯 $20
呢度嘅油菜特別在於佢用嘅係鵝油，多左一陣鵝香，不過小編怕肥叫左走油🙊，錯失左佢嘅獨特之處，不過其他食評話慳係好香，anyway餐飯點都要搭個菜🥬，健康D嘛。
朋友係燒味達人，食完後表示滿意✅。小編對餐廳食物質都係高評價，但係重要嘅係，有別於大部分燒味舖，店內乾淨企理🧼，繁忙嘅時間店員都keep到有禮貌，無論係附近反工食lunch🍽️，定係禁堂食買外賣dinner，或者純粹斬料加餸，小編都覺得值得推介💓！
-
環境服務：⭐⭐⭐⭐
食物質數：⭐⭐⭐⭐⭐
打卡指數：⭐⭐⭐
題外話/補充資料：
🚗 附近一帶唔見有小路可以停，要反到近利東街嗰邊D先有機會有街位，不過呢一帶都容易抄牌，小編呢日就無揸車啦～
(以上食評乃用戶個人意見 , 並不代表OpenRice之觀點。)
張貼
