圃鍋 (已結業)

今晚同屋企人去了位於灣仔的圃鍋打邊爐，這間餐廳是偶爾聽朋友介紹才知道的，雖然不是任飲任食，但同屋企人食飯，當然要揀一些高質餐廳，重質好過重量。餐廳有自家的養海鮮玻璃柜，主打全部海鮮都新鮮生猛，即叫即取上水。我們揀了鍋物海鮮盛，另外再加錢升級要埋四式刺身及鹿兒島和牛。店員先上醬料給我們選擇。先上枱的要席前生果，是普通的蜜瓜菠蘿等。之後就是四式刺身，包括了三文魚、吞拿魚、油甘魚及牡丹蝦。刺身新鮮鮮甜，其中三文魚味道最好。但略嫌不夠油份甘香。主角上枱，我們要了招牌日式魚湯及芫茜皮蛋鍋，魚湯底配有娃娃菜，魚湯呈奶白色，即鮮且甜，好明顯真係用新鮮魚煲成，用料十足，未開始打邊爐都忍唔住飲左碗；另外的芫茜湯都好足料且夠味，可惜珠玉在前，始終不夠魚湯吸引。海鮮併盤包括了龍蝦、海蝦、鮑魚、珊瑚蚌、、桂花蚌及花甲。其中鮑魚上枱時還活生生，真係非常新鮮生猛。龍蝦及海蝦肉質爽彈，其中龍蝦更比我的手掌還要大，蝦鉗肉多；花甲完全無沙，超級鮮甜；兩樣蚌都很新鮮，而且爽脆，整個拼盤完全係無得彈，十分高質。再來的是鹿兒島和牛，份量不多，每人約1-2塊，但和牛油脂分佈均衡，油脂呈雪花狀，一咬入口，牛肉味濃郁且肉腍，有牛油