影片
更多
2019-08-29
59 瀏覽
熟我既朋友都知我一向少食日本菜，怕腥既我之前唔好食刺身，但自從上年係美國Las Vegas 食過一次超高級(主要係價錢) 既日本餐廳後，驚為天人，開始想係香港揾返同樣高質素既日本菜，今次終於比我揾到了，整體水準甚至比我係美國那次更好位於灣仔駱克道，還在試業階段既褔川鐵板燒日本料理，裝修簡約而尊貴，有3張鐵板燒枱，服務員一流有禮，每樣食物廚師同店員都會詳細介紹。頭盤有胡麻豆腐，南瓜凍湯，凍蕃茄蘋果醋啫喱，豆腐既胡麻醬味道極香，而第一次飲凍湯既我非常驚喜，口感濃厚得嚟入口creamy順滑，令我都好想自己學整凍湯。用醋漬方法醃製既去皮蕃茄仔同蘋果醋啫喱都好開胃，非常好既開始。刺身拼盤質素真係拍得住我之前係美國凱撒皇宮Nobu食嗰一次，尤其帶子應該有處理過，味道鮮甜得嚟肉質更有彈性，拖羅非常肥美入口即溶，牡丹蝦亦鮮甜。開始進入鐵板燒既環節，先嚟過充滿油香既銀鱈魚，無骨淡淡肉，配上特別用名貴藏紅花做既醬汁，大開眼界。巨型虎蝦煎得非常香口，肉質彈牙，蝦頭燒得香脆，充滿蝦膏味道濃郁。帶殼鮑魚用上鹽焗方法，先放上鹽，再放竹葉，放上鮑魚後再放海帶，再放上鹽，灑水後加蓋烤焗，最後再煎香切件上，配上燉到入晒
位於灣仔駱克道，還在試業階段既褔川鐵板燒日本料理，裝修簡約而尊貴，有3張鐵板燒枱，服務員一流有禮，每樣食物廚師同店員都會詳細介紹。
頭盤有胡麻豆腐，南瓜凍湯，凍蕃茄蘋果醋啫喱，豆腐既胡麻醬味道極香，而第一次飲凍湯既我非常驚喜，口感濃厚得嚟入口creamy順滑，令我都好想自己學整凍湯。用醋漬方法醃製既去皮蕃茄仔同蘋果醋啫喱都好開胃，非常好既開始。
刺身拼盤質素真係拍得住我之前係美國凱撒皇宮Nobu食嗰一次，尤其帶子應該有處理過，味道鮮甜得嚟肉質更有彈性，拖羅非常肥美入口即溶，牡丹蝦亦鮮甜。
開始進入鐵板燒既環節，先嚟過充滿油香既銀鱈魚，無骨淡淡肉，配上特別用名貴藏紅花做既醬汁，大開眼界。巨型虎蝦煎得非常香口，肉質彈牙，蝦頭燒得香脆，充滿蝦膏味道濃郁。
帶殼鮑魚用上鹽焗方法，先放上鹽，再放竹葉，放上鮑魚後再放海帶，再放上鹽，灑水後加蓋烤焗，最後再煎香切件上，配上燉到入晒味既冬瓜同特製混入蟹肉既湯汁，又係從來都未試過既精采味角體驗。
日本和牛西冷可算係今既最高之作，5成熟剛好令油脂散發出濃郁牛油香，點上海鹽入口簡直係極品，令人欲罷不能。慢火煎至金黄脆口，用嚟拌碟既獨子蒜係另一亮點，香口惹味
最後既高菜白飯魚苗炒飯又係極出色之作，簡單卻非常美味既蛋炒飯，麵豉湯同芽菜亦不錯。
甜品有哈蜜瓜，自製白桃啫喱同芝士蛋糕，整晚由頭到味都保持高水準，完美。
張貼
