影片
更多
2023-04-16
434 瀏覽
有時出街食飯都會想食得健康啲輕盈啲，早排就同朋友發掘到呢間喺灣仔嘅素食Cafe🌱一入到去已經覺得樓底好高環境好舒適，食物都好有水準，推介大家嚟試下👍🏻我哋兩點去到咁啱有Lunch Set 同Tea Set供應～ Lunch Set ($138) 包前菜、主菜、小食同飲品。前菜係芒果金柚有機沙律🥗 主食韓式拌飯用上泡菜、芽菜、翠玉瓜、秀珍菇、紅蘿蔔絲，配上韓式辣醬，顏色鮮艷吸引，口感亦好豐富，食落清爽非常適合天氣熱嘅時候食🇰🇷 小食鹽酥素雞脾，其實係炸腐皮，腐皮炸到好香脆層次分明，調味亦同恰到好處！我哋仲單點咗忌廉芝士牛肝菌扁意粉 ($128)🍝店員一拎上枱牛肝菌香氣撲鼻，醬汁好creamy扁意粉勁掛汁，仲有好多牛肝菌啖啖都食到，我同朋友都好鍾意！Tea Set ($88)包小食同價值$40嘅飲品，我哋揀咗花枝魚餅配薯條，花枝魚餅好彈牙，係用大豆蛋白整成，口感味道同真嘅花枝魚餅超似😋飲品都好有驚喜！Iced Oat Milk Latte (下午茶套餐+$9) 咖啡味香濃之餘，轉咗燕麥奶多咗燕麥香味，口感亦更醇厚，好好飲👍🏻 朋友叫嘅鮮果冷萃熱情果烏龍茶 (午巿套餐+$23) 清新得嚟亦
我哋兩點去到咁啱有Lunch Set 同Tea Set供應～ Lunch Set ($138) 包前菜、主菜、小食同飲品。前菜係芒果金柚有機沙律🥗 主食韓式拌飯用上泡菜、芽菜、翠玉瓜、秀珍菇、紅蘿蔔絲，配上韓式辣醬，顏色鮮艷吸引，口感亦好豐富，食落清爽非常適合天氣熱嘅時候食🇰🇷 小食鹽酥素雞脾，其實係炸腐皮，腐皮炸到好香脆層次分明，調味亦同恰到好處！
我哋仲單點咗忌廉芝士牛肝菌扁意粉 ($128)🍝店員一拎上枱牛肝菌香氣撲鼻，醬汁好creamy扁意粉勁掛汁，仲有好多牛肝菌啖啖都食到，我同朋友都好鍾意！
Tea Set ($88)包小食同價值$40嘅飲品，我哋揀咗花枝魚餅配薯條，花枝魚餅好彈牙，係用大豆蛋白整成，口感味道同真嘅花枝魚餅超似😋
飲品都好有驚喜！Iced Oat Milk Latte (下午茶套餐+$9) 咖啡味香濃之餘，轉咗燕麥奶多咗燕麥香味，口感亦更醇厚，好好飲👍🏻 朋友叫嘅鮮果冷萃熱情果烏龍茶 (午巿套餐+$23) 清新得嚟亦唔會過甜～
雖然今餐係素食，但我同朋友都食得好滿足🥰 每一道菜都睇得出廚師用咗好多心思炮製，食材配搭同調味都好好！間唔中食吓素食都幾好，又健康又可以環保啲🌱🫶🏻
忌廉芝士牛肝菌扁意粉
$128
29 瀏覽
0 讚好
0 留言
張貼
