吔嘢事無所 (已結業)

🔅吔野事無所🔅灣仔🔅特色小店🔅Omg最近留意到日本興食呢個千層酥小食，香港竟然都有得食，即刻係咁叫男友帶我去食，適逢 the first take 大家都好興奮，又有特色飲品送！🎨 酥皮調色板香蕉朱古力（半）抹茶吉士麻糬（半）千層餅超！好！食！千層酥皮餅超好食，真係食到一層層酥皮，卜卜脆，最面仲有焦糖，好酥甜～ 我哋食到跌左啲醬，又可以用酥餅「筆」番佢，好好玩😂香蕉朱古力同千層餅好夾，朱古力的甜味好舒服但又唔會太漏抹茶吉士麻糬更推介！因為佢有牛奶麻糬，加抹茶吉士醬，再加綠茶凍，所以口感好豐富，個甜度更加多層次！未去到日本嘅大家真係要試吓！🧋 群星閃耀時由蝶荳花做最上層，之後到牛奶，最底層係士多啤梨醬～飲果陣要搖勻先有夠甜味，飲到最後仲有星星形狀嘅士多啤梨jelly～ 好有創意！好似係special menu添！我一直默默留意住呢間小店，因為地點唔係咁方便無法成日買～但聽佢講話好想整好「香港口味」然後千層酥嘅油畫又好靚，覺得小店好有心！食物水準偏高，好期待佢哋繼續出新產品！吔嘢事無所 網址: https://s.openrice.com/QrbS0JgCB00~uZ5MGAA地址: 灣仔