泰國人海南雞 (譚臣道) (已結業)

之前行經過灣仔，見到佢哋推出左個抗疫外賣餐，所以今日就趁着中午出去買返個返嚟試吓。今日係星期三，所以就去到買咗佢個泰式海南雞飯。返到去一打開盒飯，已經聞到好香嘅雞味，食落口每一啖雞肉都好嫩滑，配合埋佢哋嘅秘製醬汁酸酸甜甜非常好味。佢嘅飯好香雞油味，但係又唔會太多油，恰到好處，感覺好似真係疫情期間去咗次泰國食海南雞飯咁樣。最後飲埋佢個冬瓜湯，非常好飲，唔似出面啲味精湯。呢啲時勢，三十九蚊食到個正宗海南雞飯，仲有碗靚湯飲，真係好滿足。