影片
更多
2023-05-22
2689 瀏覽
其實之前就已經想去試「潤」，但因為之前一直都無機會，適逢今日係5.20，所以就同另一半去咗「潤」慶祝一下，但可惜好多方面都未如理想。我地book咗夜晚7:00，一入到去其實個環境係幾舒服，但因為餐廳係喺2樓，所以望出去其實都無咩風境可以睇到，極其量叫做望樓景。我地睇完個餐牌就嗌咗：1）果醋麻香海蜇頭 ⭐️ / ⭐️⭐️⭐️⭐️⭐️2）醬燒蜜椒豬肋排 ⭐️⭐️ / ⭐️⭐️⭐️⭐️⭐️3）蝦籽日本花菇紅燒豆腐 ⭐️ / ⭐️⭐️⭐️⭐️⭐️4）櫻花蝦烏魚子炒飯 ⭐️⭐️ / ⭐️⭐️⭐️⭐️⭐️5）崧子梅菜野米菜心炒素飯 ⭐️⭐️ / ⭐️⭐️⭐️⭐️⭐️本身諗住前菜開胃啲，就嗌咗果醋麻香海蜇頭，但一食落去，味道偏甜，亦都聞到有麻油香，反而就冇咗醋嘅味道。醬燒蜜椒豬肋排啲味道我簡直唔識形容，啲醃料好奇怪，總之就係好咸，係之後點啲side dish 嘅粉先令到個咸味無咁重，真心有啲失望。到之後就上黎今晚嘅重頭戲，蝦籽日本花菇紅燒豆腐，完全食唔到任何蝦籽嘅味道同口感，擺盤亦都簡直係個笑話，明明餸與餸之間都等咗一段時間，但個豆腐食落去唔係熱辣辣個種溫度，而豆腐亦都做唔到外脆內嫩。最後就上咗兩碗嘅炒飯，可能因為之前啲餸菜都好失望，所以呢個炒飯反而因為穩打穩扎而
1）果醋麻香海蜇頭 ⭐️ / ⭐️⭐️⭐️⭐️⭐️
2）醬燒蜜椒豬肋排 ⭐️⭐️ / ⭐️⭐️⭐️⭐️⭐️
3）蝦籽日本花菇紅燒豆腐 ⭐️ / ⭐️⭐️⭐️⭐️⭐️
4）櫻花蝦烏魚子炒飯 ⭐️⭐️ / ⭐️⭐️⭐️⭐️⭐️
5）崧子梅菜野米菜心炒素飯 ⭐️⭐️ / ⭐️⭐️⭐️⭐️⭐️
本身諗住前菜開胃啲，就嗌咗果醋麻香海蜇頭，但一食落去，味道偏甜，亦都聞到有麻油香，反而就冇咗醋嘅味道。醬燒蜜椒豬肋排啲味道我簡直唔識形容，啲醃料好奇怪，總之就係好咸，係之後點啲side dish 嘅粉先令到個咸味無咁重，真心有啲失望。到之後就上黎今晚嘅重頭戲，蝦籽日本花菇紅燒豆腐，完全食唔到任何蝦籽嘅味道同口感，擺盤亦都簡直係個笑話，明明餸與餸之間都等咗一段時間，但個豆腐食落去唔係熱辣辣個種溫度，而豆腐亦都做唔到外脆內嫩。最後就上咗兩碗嘅炒飯，可能因為之前啲餸菜都好失望，所以呢個炒飯反而因為穩打穩扎而覺得唔錯，最起碼食到個鑊氣同埋粒粒分明，烏魚子亦都帶出到鮮味出黎，但另一半就話個炒飯完全無特別。
埋單$1300，老實講，環境我認為唔錯，枱與枱之間都有合適嘅距離，就算當日都比較多食客，熱鬧之餘又唔會打擾到你，服務亦都做得唔錯，恰到好處，唔會過分熱情，但真係餸菜方面嘅質素我同另一半都係覺得below the average，餐牌方面亦都冇其他中菜廳做到咁多款式，例如如果你唔食海鮮嘅話，其實肉類就係得一隻手數得晒嘅款式去揀。餸與餸之間嘅間場等得太耐，唔知仲以為食緊fine dining，好似食完個豬肋排，就足足等咗成15分鐘個豆腐先黎到。明白每人對於飯餸嘅口味各有不同，但今餐嘅體驗確實係帶黎滿滿嘅失望。我另一半仲話應該將餐廳名改做「伏」先岩。😂本人就唔推薦呢間中菜廳，好過佢嘅大有人在。
31 瀏覽
1 讚好
0 留言
29 瀏覽
0 讚好
0 留言
32 瀏覽
0 讚好
0 留言
32 瀏覽
0 讚好
1 留言
17 瀏覽
0 讚好
0 留言
張貼
