隨您鍾意

營業中

休息中

本身好少寫食評，不過今次去完隨你鍾意真係要寫啦，諗住上完堂買啲野食，點知食到一肚氣，呢位男，我唔知佢係咪太子啦，態度差到無論，好似啲客得罪佢全家，我買左2個手卷，一盒壽司，只係問佢拎個膠袋外賣壽司，態度即刻就勁串，我都唔知點解佢要咁，唔通生意真係太好？好到唔需要尊重客人？你啲態度咁趕客真係好差，都唔知係咪因為服務態度差，所以店名叫隨你鍾意，咁嘅服務態度，真係俾錢都俾得唔舒服，其實每個人都係平等，尊重人都係其本做人應有態度，態度咁差，對生意都有影響，希望呢位男仕可以反省自己態度