影片
更多
2021-04-18
5605 瀏覽
好味指數😋😋😋回頭指數⭐️⭐️開心指數🤗🤗Girls gathering，好早就book 咗呢度食「週末早午自助餐」，$588/一位，早兩日天陰陰落住毛毛雨，本身有D擔心坐戶外落雨就麻煩啦～ 點知今日天氣咁好，有陽光有微風，成個人開心晒😎間餐廳響11樓，全戶外，有一個好靚嘅泳池景，不過由於勁多人用泳池勁嘈，坐太近泳池嘅檯都唔係太chill，勁多人走嚟走去仲可能有細路響你前面玩水飛到你同食物～ 佢清場時就可以獲得一陣嘅寧靜嘅～～～唯一好處係，佢3點完brunch buffet，但朋友傾計係可以坐到5點嘅... 可以唔需要再搵吹水地方！講返食物，呢度嘅賣點係Grill食物，所以相比下選擇比一般嘅自助餐少...冷盤方面海鮮類有龍蝦、大蝦、煙三文魚、Parma Ham、青口... 亦有多款已調味嘅沙律，自己配搭嘅沙律菜，我覺得龍蝦質素唔錯，好多蝦膏！Grill 嘅就有廚師專門負責，有羊架、雞、三文魚、漢堡扒、德國腸、大蝦，仲有大菇、粟米、三色椒、秋葵等燒烤配菜... 推介羊架同漢堡扒（可以自製burger）熱盤方面有南瓜忌廉湯、薯條、飯...甜品有10款左右嘅選擇，同埋軟雪糕... 推介核桃批！自
回頭指數⭐️⭐️
開心指數🤗🤗
Girls gathering，好早就book 咗呢度食「週末早午自助餐」，$588/一位，早兩日天陰陰落住毛毛雨，本身有D擔心坐戶外落雨就麻煩啦～ 點知今日天氣咁好，有陽光有微風，成個人開心晒😎
間餐廳響11樓，全戶外，有一個好靚嘅泳池景，不過由於勁多人用泳池勁嘈，坐太近泳池嘅檯都唔係太chill，勁多人走嚟走去仲可能有細路響你前面玩水飛到你同食物～ 佢清場時就可以獲得一陣嘅寧靜嘅～～～
唯一好處係，佢3點完brunch buffet，但朋友傾計係可以坐到5點嘅... 可以唔需要再搵吹水地方！
講返食物，呢度嘅賣點係Grill食物，所以相比下選擇比一般嘅自助餐少...
冷盤方面海鮮類有龍蝦、大蝦、煙三文魚、Parma Ham、青口... 亦有多款已調味嘅沙律，自己配搭嘅沙律菜，我覺得龍蝦質素唔錯，好多蝦膏！
Grill 嘅就有廚師專門負責，有羊架、雞、三文魚、漢堡扒、德國腸、大蝦，仲有大菇、粟米、三色椒、秋葵等燒烤配菜... 推介羊架同漢堡扒（可以自製burger）
熱盤方面有南瓜忌廉湯、薯條、飯...
甜品有10款左右嘅選擇，同埋軟雪糕... 推介核桃批！
自助餐包free flow 鮮橙汁同一杯咖啡/茶，如果要free flow sparkling wine 要加$288，free flow Champagne 要加$480 （兩款都包紅、白酒、Rosé wine、啤酒），因為唔太飲得多（唔抵），所以冇加飲酒！
仲有一件攪笑嘅事，佢有好多嘢都用Le Creuset 鑄鐵鍋裝住，但其實一個客人已經攞住隻碟，supposed to be 要另一隻手夾食物，但佢又冇位俾你放低個蓋，其實都幾手足無措...
我食量其實好一般，冷盤、Grill 各一碟+4小件蛋糕已到頂，加埋一差唔多$650 其實就唔太抵... 而好出色嘅... 我自己覺得係只有龍蝦、羊架和核核批，以咁樣嘅價錢食brunch 其實可以有更高級嘅選擇（當然不是自助餐類）
而佢另一個攪笑位係weekend 夜晚自助餐係仲平過brunch 少少tim! 唔知係味夜晚太黑冇咩泳池景嘅原因呢？不過... 餐廳係睇唔到維港景嘅～～～
張貼
