金亞淶泰國餐廳

營業中

休息中

當身邊朋友陸續出發返鄉，留港嘅唯有望梅止渴嘞，泰友介紹話呢間值得一試，凍青檸檬薏米水$18  ~  檸檬清香解渴薏米又去濕美白椰汁涼粉冰$16  ~係朋友嘅非佛，鍾意有椰香又清熱喎。泰式鳳爪～酸辣爽脆又開胃係我最鍾意食嘅前菜之一。個火山排骨好壯觀呀！排骨肉質夠諗，有肉香，個汁酸香辛辣開胃又醒神雖然個排骨好多肉，但點汁食就唔會濟嘞。菠蘿炒飯就食得多，今次試吓椰青海鮮炒飯，飯裡面有好多椰青肉，有蝦、魷魚、雞肉，飯面仲有大量肉鬆，成個飯味道清新又唔錯喎，最後呢個泰式甜品，係好有驚喜嘅椰皇三重奏，叫三重奏因為佢三種來自椰子嘅材料，面頭係烤香咗嘅椰絲，跟住係椰漿做嘅奶凍，又香又滑，最下一層係用椰青水整嘅啫喱，口感有啲似軟滑版嘅大菜糕，清新又好味，係令我好滿足嘅甜品。第日食家鄉菜又多一個選擇啦。