火山燒 (已結業)

禮拜三放工同朋友去左銅鑼灣的火山燒食晚餐。店內裝修好有日本居酒屋的風味，牆上畫滿色彩豐富的塗鴉畫，畫功細緻，頗為吸睛。呢度除左日式燒烤外，仲有Shabu Shabu同刺身，都幾多元化。刺身 - 我地叫左甜蝦、三文魚、北寄貝等。刺身幾新鮮，三文魚夠肥美，北寄貝夠鮮甜。前菜 - 味付螺肉惹味。燒生蠔 - 生蠔都幾大隻， 唔會腥，口感爽滑鮮嫩。帶子- 帶子夠新鮮, 好juicy。牛舌心 - 肉質爽口彈牙，唔會靭。牛仔骨- 脂肪分佈平均，部份帶有筋腱，口感軟嫩有嚼勁，鮮嫩多汁而且肉味足。玉子燒 - 好軟熟，夠蛋香。蔬菜 - 甜薯口感軟糯、入口軟綿幼滑。燒完之後菠蘿好重果香，啖啖都有香濃菠蘿汁。煙肉車厘茄串 - 煙肉燒完好香脆，帶鹹香，包住多汁嘅車厘子，一咬d汁爆出黎，好滋味。