火山石 (已結業)

火山石烏冬專門店喺我當年喺旺角食烏冬既首選！佢既烏冬用石鍋上，熱辣辣，真係好好味，可惜今年年中好似已經結束營業。但今日竟然比我喺大圍重遇佢！！呢間有烏冬、拉麵、飯同小食可以揀仲有晚市優惠套餐對我黎講，始終烏冬先係佢地既主打！所以我就揀左牛舌烏冬配清湯有四大件牛舌，啲牛舌全部都係厚切，口感軟熟，完全無韌既感覺，而且佢有先煎香兩邊，即使放左落湯食落都仲好香！雖然無左熱辣辣既石鍋，但水準依家保持到！朋友既日式叉燒拉麵配豬骨湯豬骨湯香濃，拉麵用左幼麵，可以吸哂啲湯，麵身爽滑彈牙好開心可以見返火山石，以後想食烏冬就可以黎呢度啦