影片
更多
2018-07-31
1860 瀏覽
因為聽聞海港有阿拉斯加蟹食，而尖沙咀開咗一間海港薈，諗住新開嘅應該都唔會太差。做緊12人套餐4千蚊包4斤半蟹，侍應係咁sell我地食餐，但我地得7個人食唔到，所以我地散叫。到咗個場地都幾大幾闊落，新開果然係唔同啲， 不過衛生真係麻麻地，啲杯碟碗都污污糟糟邋邋遢遢。😫 不過算啦換個隻，處理下佢都接受啦!由於係為咗隻蟹而黎，所以我哋個重點都係擺喺個隻蟹度。 我哋叫咗6斤4蟹 (其餘都係4斤左右），而且仲特登去咗魚缸度揀蟹，揀咗隻1號仔長腳蟹清蒸。 上枱都仲以為佢俾錯，原來係白松露油野菌炆粗麵，淨係見到面頭嗰啲芽菜仔同埋菇。 呢碟味道一般，不過不失啦! 呢個都算搵笨，個兜得個大，同埋多冰，咕嚕肉得嗰幾舊，生果得嗰幾粒。我估廚師只係將舊肉搽啲粉去炸就叫做冰鎮咕嚕肉。估佢唔到，呢個豆腐竟然係個個都話幾好食喎! 所以叫啲普通嘅就算啦! 個豆腐好滑，啲汁少少鹹啦。 半隻燒鵝都有啲睇頭，同埋下面有個火喺度慶住咁上嘅，不過就做唔到脆皮燒鵝啦! 呢個令各人一肚火呀! 上枱嘅時候發覺蟹蓋上面多左粒藤葫嘅？ 有幾隻蟹腳仲黑黑地添。我哋同經理講，經理就攞返入去， 另一個著黑色衫女人同剛才嗰個經理又捧番嗰碟蟹出
做緊12人套餐4千蚊包4斤半蟹，侍應係咁sell我地食餐，但我地得7個人食唔到，所以我地散叫。
到咗個場地都幾大幾闊落，新開果然係唔同啲， 不過衛生真係麻麻地，啲杯碟碗都污污糟糟邋邋遢遢。😫 不過算啦換個隻，處理下佢都接受啦!
由於係為咗隻蟹而黎，所以我哋個重點都係擺喺個隻蟹度。 我哋叫咗6斤4蟹 (其餘都係4斤左右），而且仲特登去咗魚缸度揀蟹，揀咗隻1號仔長腳蟹清蒸。
上枱都仲以為佢俾錯，原來係白松露油野菌炆粗麵，淨係見到面頭嗰啲芽菜仔同埋菇。 呢碟味道一般，不過不失啦!
呢個都算搵笨，個兜得個大，同埋多冰，咕嚕肉得嗰幾舊，生果得嗰幾粒。我估廚師只係將舊肉搽啲粉去炸就叫做冰鎮咕嚕肉。
估佢唔到，呢個豆腐竟然係個個都話幾好食喎! 所以叫啲普通嘅就算啦! 個豆腐好滑，啲汁少少鹹啦。
半隻燒鵝都有啲睇頭，同埋下面有個火喺度慶住咁上嘅，不過就做唔到脆皮燒鵝啦!
呢個令各人一肚火呀! 上枱嘅時候發覺蟹蓋上面多左粒藤葫嘅？ 有幾隻蟹腳仲黑黑地添。我哋同經理講，經理就攞返入去， 另一個著黑色衫女人同剛才嗰個經理又捧番嗰碟蟹出嚟仲剷走左粒滕葫添， 我哋當然唔要喇! 不過我哋個個都超級無敵咁不愉快!
蟹又食唔到，啲餸又麻麻地，成肚都係得番火氣呀!
張貼
