米走雞Deluxe (已搬遷) 新店位置

天氣凍凍地，放左工唔知食咩好，就諗起之前朋友介紹過嘅米走雞雞煲。🤓坐到入去就見到有兩種雞煲揀，今次就揀左麻辣火焰雞煲($208)。今次揀左中辣，我同朋友都覺得唔算太辣，下次可以挑戰大辣。呢個雞煲係最近食過最好食嘅雞煲🥰。由於得兩個人，食完雞煲都食唔到好多野，就簡簡單單叫左份特級肥牛($198),娃娃菜($28),響鈴($32),紅薯粉($22)，咁就岩岩好夠飽。平日夜晚人流唔算好多，啲員工好好服務態度 👍🏻，又會幫你炒雞煲，一見有空碟就即刻過黎收。