Yadllie Plate Express 야들리애플래이트 (已結業)

今日去開朋友屋企玩，佢話屋企附近有一間食炸雞幾好食，只要喺OpenRice外賣自取落單就得㗎喇真係非常方便所以我地叫左做二人套餐外賣返屋企慢慢嘆。前菜泡菜同埋辣魷魚仔鹹鹹辣辣幾惹味。鮮蝦沙律鮮蝦份量唔少，而且隻隻都好大tim 沙律菜再淋埋啲柚子醋酸酸地好開胃。無骨炸雞 麥味芝士味啲雞肉食落啖啖肉好嫩滑一啲都唔鞋口，啱晒唔鍾意咬骨嘅朋友仔。牛肉紫菜飯卷入面啲餡非常足料包括有紅蘿蔔絲雞蛋、青瓜同埋牛肉非常豐富。泡菜豆腐湯材料充足入邊有泡菜芽菜冬菇片同埋豆腐，食落辣辣地超級滿足。最後我哋發現原來喺其他外賣平台都有得外賣，住喺火炭嘅朋友仔真係可以留意下。