MX (銀禧薈) (已結業)

今日第一日開張，所以特登落樓下試吓佢哋嘅廚房得唔得，因為喺第二度試過啲美心 MX開頭好食，之後就越做越差同難食，希望這間唔好係咁啦，因為佢同層嘅一粥麵都係幾難食的。今晚見到有黃花魚$63蚊，所以叫咗嚟試吓，另外再叫咗個 sir滑雞$52蚊。其實話平都唔係好平，但係都要試吓啦。條黃花魚應該叫咗即蒸的，因要等一段時間，所以係趕時間唔好叫，但蒸出嚟好好食，真係好食，連我唔食魚嘅都覺得，而 sir滑雞亦都真係好滑，同樣好好食，真心講今日食的覺得好好食。而我見到佢哋講啲燒臘話係自己即場做的，睇落都好吸引。所以第二日我已經試咗了叉燒燒鴨外賣飯盒。都好好食，同埋早餐都試了，早餐正常水準。