焰拉麵 (已結業)

尋日做嘢既關係下午時份又係我最中意既元朗食晏，之前聽朋友提起有間拉麵好好食，中意食拉麵既我一直心思思好想試下，今日終於有機會試下喇！一去到已經俾佢地既裝修吸引，好有日式拉麵店既氣氛，啲畫好靚，見到店主好用心去佈置！ 之後坐低叫左佢地既招牌拉麵”燄叉燒拉麵“，果然名不虛傳，一嚟到已經聞到濃濃既湯味，即刻第一時間試下個湯，一啲都無令我失望，個湯做得好鮮味，帶有小小微辣，即刻令我胃口大開，拉麵亦做得非常出色，煮既時間恰到好處，非常有口感，軟硬度適中，至於叉燒亦係我既至愛半肥瘦，厚厚既一片一啖咬落去肉味濃郁，一食已經知道係誠意之作，真係好食到吾停得囗，果然無令我咁中意食拉麵既人失望！至於温泉蛋煮既時間剛剛好，一咬落去啲蛋汁標出黎，蛋味濃郁！ 至於小食方面標係叫左我既至愛鱿魚鬚啦，個汁非常出色，好香囗，正好帶出左魷魚既鮮味，魷魚方面煮既時間剛剛好，吾會太硬或太軟，好似我咁中意食魷魚既朋友一定要試下！ 今餐日本拉麵食得我好滿意，估吾到係元朗都會有咁出色既拉麵鋪頭，下次一定會再黎試下佢既其他嘢食！