影片
更多
2009-10-11
14 瀏覽
今晚男友帶我到呢間餐廳慶祝生日~事前都唔知會去邊度食~黎到先知今晚係食 Balalaika呢間餐廳,原來係食傳統俄羅斯美食......其實都係第一次食.....7點去到,餐廳唔係好多人,可能係平日,亦都唔算好熱鬧!一坐低就有幾位侍應招呼,非常有禮貌!而且當我地睇緊menu時~又會同我地講,洗唔洗介紹啲菜比我地聽~而問佢啲菜係咩,佢地都會好詳細解釋~所以印象不錯啊~之前男友做好功課,話想食串燒.....所以今晚叫左兩款俄式串燒+牛尾羅宋湯1.拔蘭地香料羊架串燒....有三中件羊架,配薯仔同菜,羊架味道啱啱好,要左5成熟都恰到好處...薯仔好好食,因為連埋皮一齊燒....最正就係即埸係你面前燒....有一陣BBQ既香味2.香草燒雞伴燒原個蒜頭....份量ok,原隻迷你雞串燒,有啲似迷你燒春雞咁,一開四邊,口感比燒春雞好食得多~肉質嫩滑,而且雞胸都唔會"鞋"呀!味道唔太濃,伴埋佢比既燒汁就啱啱好~3.牛尾羅宋湯.....一碗要$60,但都係值得~唔係好大碗,仲有一隻俄羅斯木匙附上,用來飲呢碗湯~很濃郁,還有牛尾,都幾大件呀!食完後,侍應係廚房攞出一個甜品"火焰雪山"......仲即埸點火,燒
7點去到,餐廳唔係好多人,可能係平日,亦都唔算好熱鬧!一坐低就有幾位侍應招呼,非常有禮貌!而且當我地睇緊menu時~又會同我地講,洗唔洗介紹啲菜比我地聽~而問佢啲菜係咩,佢地都會好詳細解釋~所以印象不錯啊~
之前男友做好功課,話想食串燒.....所以今晚叫左兩款俄式串燒+牛尾羅宋湯
1.拔蘭地香料羊架串燒....有三中件羊架,配薯仔同菜,羊架味道啱啱好,要左5成熟都恰到好處...薯仔好好食,因為連埋皮一齊燒....最正就係即埸係你面前燒....有一陣BBQ既香味
2.香草燒雞伴燒原個蒜頭....份量ok,原隻迷你雞串燒,有啲似迷你燒春雞咁,一開四邊,口感比燒春雞好食得多~肉質嫩滑,而且雞胸都唔會"鞋"呀!味道唔太濃,伴埋佢比既燒汁就啱啱好~
3.牛尾羅宋湯.....一碗要$60,但都係值得~唔係好大碗,仲有一隻俄羅斯木匙附上,用來飲呢碗湯~很濃郁,還有牛尾,都幾大件呀!
食完後,侍應係廚房攞出一個甜品"火焰雪山"......仲即埸點火,燒左一陣,好靚,仲有幾個侍應圍住我地唱生日歌,其中一個俄羅斯人攞住結他,唱左幾首唔同語言既生日歌.......之後仲用即影即有相機拍照留念~服務氣氛都很好~
火焰雪山好好食~入面d雪糕夠晒凍,出面包住層暖暖地既cream.....事後先知~原來男友訂枱時,因為做緊promo,所以係免費送的~
食物質素同價錢成正比,服務真係讚~好多餐廳都唔會有!
張貼
