Mini Club (已結業)

邊個話星期五先可以飲嘢？星期一都可以chill吓嘅！朋友帶我嚟，話呢間食物同飲品都好ok, 肯定唔洗轉場喎！一於信佢一次喇！裝修好靚，有勁多影相位！Beauty and the dark～內容係士多啤梨、cream、oreo……等，無論外形同口味，大部份女仔都會鍾意！Fire Rose~一上枱侍應就幫佢點火喇！好好睇呀！狂野摩天輪～每個「車箱」都有唔同嘅炸物，有蠔、紫薯、蝦……等，啱哂一路傾一路食一路飲嘢！黑松露野菌薄餅～黑松露味剛剛好，無蓋過野菌嘅香味！亦唔會焗到過火乾爭爭！good呀！炭燒德國腸拼盤～幾款德國腸襯埋三個醬汁同酸瓜，當中可以有好多變化，絕對可以衝擊味蕾呀！火焰西班牙黑毛豬鞍扒～嘩！又有火喇！一燒起就有香味聞到！好正呀！豬鞍份量算幾大！一咬落去，係完全估唔到咁好味！一啲豬騷味都無，而且十分十分juicy! 可以配旁邊嘅蘋果蓉或鹽或番茄醬，但其實咩都唔點已經好好味，只要原材料靚，食佢嘅原味都已經好足夠！其實仲好想食甜品，見到隔離枱點咗個巴黎鐵塔外形嘅甜品！超靚！但真係食唔落！唯有下次再嚟先再會一會個靚靚甜品喇！😂