影片
更多
2010-12-29
12 瀏覽
7pm 一行3人去到酒家，唔使等就有位。一出𨋢就有個牌介紹有乜正嘢推介，不過知客行動迅速，好快就帶咗我地坐低，那個牌都無機會睇真。侍應招呼我們入座後，即刻拎1碟花生，1兜有D辣椒粒既醬油來，醬油面仲油淋淋。因為侍應無講係咪要收花生茶芥錢，我地就主動問啦。有位女部長答我地係要收費既。咁我地無人食花生，於是叫佢唔使俾，叫佢地唔好收費。於是那位女部長，露出煩厭的表情，望一望我地。我地就話消委會話如果要收錢，客人可拒絕接受，酒樓唔應該再收錢。女部長就話 “無呢D嘢既，全港都係咁收＄架啦，你地唔愛都要俾錢！”。我地費事同佢爭論，由得佢收就算。之後我地睇菜牌， 佢地有張類似點心紙既紙俾人點食物。每款食物前面有一個價錢，但就唔係$13.8。於是我地問部長 ”請問邊D係 $13.8呀“， 部長話"無，我地無嘢係＄13.8！“於是我唔忿氣，走出𨋢口睇個牌，“火窩鮮料”下面確係寫$13.8， 後尾睇真D，先見到有枝啤酒既樣，然後隔離有細字既“大樽裝......" . 頂頭的 ”火窩鮮料“， 簡直係誤導！我地又問部長，點樣為之 “任叫任食”， 係咪一個價錢，任你食幾多。 部長又話唔係，意思係任你叫幾多碟黎食
侍應招呼我們入座後，即刻拎1碟花生，1兜有D辣椒粒既醬油來，醬油面仲油淋淋。因為侍應無講係咪要收花生茶芥錢，我地就主動問啦。有位女部長答我地係要收費既。咁我地無人食花生，於是叫佢唔使俾，叫佢地唔好收費。於是那位女部長，露出煩厭的表情，望一望我地。我地就話消委會話如果要收錢，客人可拒絕接受，酒樓唔應該再收錢。女部長就話 “無呢D嘢既，全港都係咁收＄架啦，你地唔愛都要俾錢！”。我地費事同佢爭論，由得佢收就算。
之後我地睇菜牌， 佢地有張類似點心紙既紙俾人點食物。每款食物前面有一個價錢，但就唔係$13.8。於是我地問部長 ”請問邊D係 $13.8呀“， 部長話"無，我地無嘢係＄13.8！“於是我唔忿氣，走出𨋢口睇個牌，“火窩鮮料”下面確係寫$13.8， 後尾睇真D，先見到有枝啤酒既樣，然後隔離有細字既“大樽裝......" . 頂頭的 ”火窩鮮料“， 簡直係誤導！我地又問部長，點樣為之 “任叫任食”， 係咪一個價錢，任你食幾多。 部長又話唔係，意思係任你叫幾多碟黎食唧。我地心諗，有錢既話，無論平貴生料，叫幾多碟都得啦，同常人理解 “任叫任食”既意思完全唔同。
我地心裡面都覺得呢間酒家唔老實，以後唔好來！之後朋友話都坐低咗，又開晒茶， 唯有點吓嘢食啦。
食物好快來晒，但個湯底要催先來。
湯底： ＄1 沙爹拼清湯鴛鴦窩： 無乜味）
皇帝菜： D葉唔太新鮮，垂低晒掂晒檯面
自家制4寶丸： 幾好食
肥牛：都算好食，唔韌
鮮蝦雲吞：大件但無乜味
竽絲：本身無味，不作評論
鮮竹：味道一般
金菇：都係無乜味
調味盤：得6款料，無乜選擇，仲收＄10／位，唔抵
環境：檯數唔好，檯與檯之間算闊落
服務：D侍應，成日走埋來要加水，叫佢地唔好加住，又係都要加。我地未食完嘢，好似趕收工咁，俾幾碗糖水你，又走來幾次想收走我地煲嘢。同埋最初問食物價錢時，我地話覺得取巧，侍應同部長又扮聽唔明，話唔知我地講乜。大部份員工都無乜禮貌，雖然我地唔係大豪客，但起碼都要有少少禮貌啦。
奉勸大家，如果要去這家火窩店打邊爐，要睇同問清楚先好入去！
張貼
