影片
更多
2020-04-12
133 瀏覽
今日去左中環近大館既一間樓上酒吧，叫The ThirtySix呢間酒吧喺上年年初先開幕，其中一個老闆仲係男神吳彥祖而酒吧既裝修充滿品味，以火車車卡作為設計，感覺好chill。除左火車車卡之外，仲有一間上左鎖既房，入面擺左好多酒。想開到呢個鎖，就要由有36條鎖匙中揀到一條真正既鎖匙。如果揀得啱鎖匙，就可以入房之餘，店員仲會請你飲一shot。酒吧主打威士忌酒藏，所以佢既cocktail 都好有特色。Triple Cask 12 Years Ols ServeGold Rush $140呢杯Cocktail 有Macallan, 檸檬汁，薑餅糖漿等，加左薑，有港式既感覺，好有本地特色。Shell Under The Tropic $150呢杯cocktail 淨係個造型都贏哂。用左大大個貝殼代替酒杯。Cocktail 除左用左Rum 酒之外，仲加左菠蘿汁、檸檬汁等，感覺超refresh，好有夏天感覺。Brandy Blue Cheese Fondant Burger $168Blue Cheese Burger 用左自家製既竹炭包，塊漢堡扒肉味濃而且肉汁勁多。雖然用上好多香港人都唔太接受到既
今日去左中環近大館既一間樓上酒吧，叫The ThirtySix
呢間酒吧喺上年年初先開幕，其中一個老闆仲係男神吳彥祖而酒吧既裝修充滿品味，以火車車卡作為設計，感覺好chill。
除左火車車卡之外，仲有一間上左鎖既房，入面擺左好多酒。想開到呢個鎖，就要由有36條鎖匙中揀到一條真正既鎖匙。如果揀得啱鎖匙，就可以入房之餘，店員仲會請你飲一shot。
酒吧主打威士忌酒藏，所以佢既cocktail 都好有特色。
Triple Cask 12 Years Ols Serve
Gold Rush $140
呢杯Cocktail 有Macallan, 檸檬汁，薑餅糖漿等，加左薑，有港式既感覺，好有本地特色。
Shell Under The Tropic $150
呢杯cocktail 淨係個造型都贏哂。用左大大個貝殼代替酒杯。Cocktail 除左用左Rum 酒之外，仲加左菠蘿汁、檸檬汁等，感覺超refresh，好有夏天感覺。
Brandy Blue Cheese Fondant Burger $168
Blue Cheese Burger 用左自家製既竹炭包，塊漢堡扒肉味濃而且肉汁勁多。雖然用上好多香港人都唔太接受到既Blue Cheese ，但份量啱啱好，唔好搶左其他配料既味道。
Salted Egg Chicken Crackling $68
呢個炸雞皮勁有驚喜，連我個平時食雞唔食皮既朋友都同我爭住食。
雞皮完全唔肥唔油膩，炸出黎超香脆，口感似平時食既炸魚皮，再加上咸蛋一齊炸，真係超邪惡。
Crispy Chicken Soft bone $58
雞軟骨都唔錯，炸得香脆，食落唔油膩，而且個調味都好香，餸酒至夾。
Unagi Avocado Roll(3pcs) $88
這個鰻魚牛油果卷外層用左鬆軟既蛋皮包住配料，裏面包著牛油果同勁多蟹籽，口感勁豐富。
張貼
